IS IT EASY ? A STORY OF COMPROMISE OF LOVE,CARRIER AND DREAMS FOR FAMILY (HINGLISH EDITION)

SURAJ PATHAK

Copyright © Suraj Pathak All Rights Reserved. ISBN 978-1-63957-968-6 This book has been published with all efforts taken to make the material error-free after the consent of the author. However, the author and the publisher do not assume and hereby disclaim any liability to any party for any loss, damage, or disruption caused by errors or omissions, whether such errors or omissions result from negligence, accident, or any other cause. While every effort has been made to avoid any mistake or omission, this publication is being sold on the condition and understanding that neither the author nor the publishers or printers would be liable in any manner to any person by reason of any mistake or omission in this publication or for any action taken or omitted to be taken or advice rendered or accepted on the basis of this work. For any defect in printing or binding the publishers will be liable only to replace the defective copy by another copy of this work then available.

To all the girls who sacrifices everything just to respect their family. To all the women in my life thank you for being there.

Contents Acknowledgements

vii

Prologue

ix

1. Aakhir Sab Itne Ajib Kyon?

1

2. Achanak Jindagi Kuchh Yu Badal Gayi

4

3. Meri Kahani

7

4. Wo Din Jab Mai Duniya Me Aayi

10

5. Suhana Bachpan

13

6. Board Result Ki Tension

16

7. Result Ke Baad Ki Planning

22

8. Toote Sapne

28

9. Ab Koi Option Nahi Thi

34

10. School Ka Pahla Din

38

11. Aasha Ki Chhoti Kiran

42

12. Neet Exam

46

13. Adhuri Ummid

50

14. Bina Raaste Ki Manjil

55

15. Diwali Ki Khaash Raat

60

16. Ab Saari Ummide Khatm

67

Author's Note

73

●v●

Acknowledgements First and foremost, I would like to thank God. In the process of putting this book together I realized how true this gift of writing is for me. A special thanks to my beloved grandparents who have inspired me and whose blessings are always with me. To my parents, I am speechless. I can barely find the words to express all the wisdom, love and support you’ve given me. I would like to appreciate my family for supporting me and being my backbone. I wouldn’t have been able to stand without you all. Thank you for everything. I am grateful for the blessings of all my teachers from childhood to post graduation. I am sincerely thankful to all my friends that I have you in my corner pushing me when I am ready to give up. Thanks for not just believing, but knowing that I could do this. I love you all always and forever. Special thanks to my college gang to hear my stories over phone, to hear my blabber and to tell me that the next story should be more better than the last one. Thanks to everyone who has ever loved me.

● vii ●

Prologue 24 April, 2021 th

05:30 PM Sandhya ka samay tha Surya ki kirne aasman ko aisi dhaki hui thi mano sara nabh Ishwar ki aarti kar rahe the. Pure aasman ko Suraj ki laalima ne apne rang se dhak diya tha. Iss manmohak drishya ko dekhte huwe mai aage badhta hu. Phir mujhe Nichitpur station ke paas ek ladki baithi huwi dikhti hai. Mujhe wo jaani pehchaani si lagti hai isliye maine socha thoda aage chalkar dekhte hai. Phir mai thoda paas chla gaya. Mai jab paas ja kar dekhta hu to shocked ho jata hu kyunki meri guess sahi rahti hai aur wo ladki koi aur nahi balki meri school ki classmate Aarvi hoti hai. Mai surprised to hota hu par wo pareshaan si dikhti hai aur uski aankhein bhi nam rahti hai jaise usne bahut roya ho. Mujhe kuchh sahi nahi laga isliye maine Aarvi ke paas jakar puchha. "Hi Aarvi. Tum abhi iss time station me wo bhi akeli.Kya hua? Sab thik to hai na?" "Haan, mai thik hu" usne apni aansuwo ko ponchhte huwe mujhse kaha. "Lag to nahi raha tum thik ho. Sachchi batao hua kya hai? Ek to itne dino baad mili ho aur wo bhi aisi haalat me. Kya hua batao? Kya mai tumhari kuchh madad kar sakta hoon?" ● ix ●

PROLOGUE

Usko dekhne se aisa lag raha tha mano usne kuchh khaya bhi nhi ho. Isliye mai sabse pahle uske liye paas ke hi Ganpati Sweets se mithaayi lekar aata hoon aur uske baare me saari baatein usse puchhta hoon. Phir wo mujhe apni saari baatein share karna suru karti hai - Kaise wo aajkal pareshaan rah rahi hai. Sabse khamosh akelepan se gujar rahi hai.Wo apni life ki sabse worst phase se gujar rahi hai aur bahut hi jyada depressed bhi hai. Wo mujhe apni life ki ab tak ki puri journey describe karna shuru karti hai. Bachpan se lekar ab tak bas apne parents ki khushi ki liye apni saari dreams, apni saari khushiya sacrifice kar rahi hai par fir bhi koi use nahi samajh raha aur ab wo bilkul thak si gayi hai ye sab sah-sah kar. Uska patience bhi ab uska saath nahi de raha aur wo totally lost ho gayi hai thoughts me .

●x●

I Aakhir sab itne ajib kyon? Few days ago, "Aarvi beta Papa ke liye chai le aana". Mummy ne mujhe aawaz lagayi . Papa abhi office se aaye. Unko diabetes hai isliye unke liye bina chini ki chai lekar mai aati hoon. Papa thode tension me lag rahe the kyunki aaj meri bahan Vartika ka result aane wala tha. Vartika BIT Meshra se computer science me engineering kar rahi hai. Wo thik se padhti nahi hai aur kuchh dino se phone me hi busy rahti hai aur bus doston ke saath ghumna phirna masti majaak me hi uska din bit jata hai. "Aur beta padhaai likhai kaisa chal raha. " Chai pine ke baad Papa ne mujhse poochha. "Thik chal raha hai papa." Mai normally answer karti hoon.

●1●

IS IT EASY ?

"Thik hai beta padho achchhe se." Itna bolkar papa apne room chale jaate hai. Mai chai ki cup uthati hoon aur mummy ki help karne kitchen chali jati hoon. "Mummy Vartika Di ka result aa gaya hai" Meri Chhoti bahan Ruhi bhagti huwi aati hai aur mummy ko batati hai. "Vartika kahaan hai?" Mummy ne Ruhi se poochha "Didi baahar gayi hai apne dost ke saath boli aa rahe hai Katras se turant". Ruhi ne mummy ko bataya. "Kya hua uska result. Pass ho gayi hai na." Mummy thodi der chup ho jaati hai aur puchhti hai. "Nahi mummy is baar bhi ek paper me back lag gaya hai." Ruhi dhire se bolti hai. Ruhi ki baatein sunkar mummy niraash ho jati hai aur mujhse bolti hai "Beta roti banao mai aati hoon." Mujhe kuchh samajh nahi aaya kyunki aaj achanak mummy result sunkar chali gayi, unhone kuchh bola bhi nahi. Vartika ka result pahle bhi kharaab aata tha par mummy kabhi is tarah react nahi ki jis tarah aaj ki. Papa bhi har roz baatein karte ,hansi majak karte par wo bhi bus chai pee kar jyada bina kuchh bole apne room chale gaye. Mujhe kuchh samajh hi nahi aaya aakhir aaj achanak ho kya gaya sabko. "Mummy ko kya hua ?" Ruhi se Maine poochha "Pata nahi kuchh shaadi-shaadi kar rahi thi kal aur Papa bhi kal apne phone me mummy ko kisi ki photo dikha rahe the aur bol rahe the yah ladka kaisa rahega?Ab kisliye mujhe nahi pata." Yah bolkar Ruhi hansti huwi chali jaati hai.

●2●

SURAJ PATHAK

Mai kuchh bhi samajh nahi pa rahi thi aakhir sab koi itna ajeeb kyon behave kar rahe hai. Na Mummy kuchh bol rahi na Papa kuchh bhi bata rahe. Bahut saari baatein mere man me chal rahi hoti lekin har chiz ignore karte hue mai chupchap roti banane lagti hoon. Lekin mere man me wo baat ghar kar jati hai. Aakhir kiski shaadi ki baatein chal rahi aur hame kuchh bhi kyon nahi bataya ja raha. Mujhe andar hi andar ek ajeeb wali feeling aane lagti hai lekin mai khud ko samjhati hoon ‘jo mai soch rahi wo baat bas na ho.’ Roti banakar mai kitchen se bahar nikal jaati hoon. Achanak mujhe halki halki awaaz sunayi deti hai saamne jaane per mai dekhti hoon Papa aur mummy kuchh serious discussion kar rahe hote hai. Mujhe theek se samajh nahi aa raha tha isliye mai sunne ke liye thodi nazdeek chal jaati hu, kyunki mujhe janna tha aakhir kiski shaadi ki baat ho rahi hai aur aisi kya baat hai jo mummy bich me hi chali gayi aur papa se itna serious discuss kar rahi.

●3●

II Achanak Jindagi kuchh yu badal gayi "Vartika ka result din-b-din kharab hota ja raha hai. Iss bar bhi wo semester clear nahi kar paayi." Mummy papa ko batati hai. Fir mummy papa ko aage batati hai. "Ab to uski chinta hone lagi hai aakhir kaise kya karegi betiyaan badi bhi hone lagi shaadi bhi dena hai aur agar isi tarah raha to Vartika ki shaadi kar dena hi sahi hoga." "Aarvi sabse badi hai usse pahle ham Vartika ki shaadi kaise karwa sakte hai." Papa ne bich me hi mummy ko rokte huwe bola. "Nahi iss saal ham Vartika ki kar dete hai fir uske baad Aarvi ki kar denge tab tak uska master’s bhi complete ho jayega." Mummy ke itna bolte hi papa unpe gussa ho jaate hai aur bolte hai. ●4●

SURAJ PATHAK

"Aise kaise Vartika ki shaadi kar sakte hai ham. Aarvi bhale hi hamari apni beti nahi hai par apne se badhkar hai. Bachpan se usko humne paala hai. Aur ab jab uski shaadi ki bari aayi tab ham usko apne maa baap ko saup de. Log kya bolenge." "Mai ye kaha bol rahi hoon ki usey ham uske apne mummy papa ko saup de. Mai bas ye bolna chaah rahi hoon ki bhale hi wo hamari beti hai lekin ham Vartika ki shaadi to kar hi sakte hai na aakhir wo bhi to hamari badi beti hai. Ye to abhi padh hi rahi hai theek se aur Vartika ke baad iski shaadi kar denge." Mummy papa ko samjhati hai. "Aarvi hi hamari badi beti hai aur jimmedaari bhi. Uski shaadi sabse pahle hogi fir dono bahno ki shaadi hogi. Bhale Aarvi ki masters complete ho ya na ho lekin Vartika ki shaadi pahle nahi hogi. Aaj office me maine doston se Aarvi ko lekar baat ki hai aur ek achchha ladka dhoondhne ko bola hai. Kuchh dino me sab ho jaayega fir isi saal Vartika ki bhi shaadi de denge. Teen- Teen betiyaan hai achanak se shaadi ka bojh aa jaayega, meri tabiyat bhi thik nahi rahti hai. Isliye tum jyada mat socho kiski shaadi pahle deni hai aur kiski baad me yah mai samajh loonga. Agar iss saal shaadi hogi to pahle Aarvi ki hi hogi." Papa ki baaton ko sunkar mummy thodi chup ho jaati hai aur fir apna sar niche karke bolti hai "Mai Vartika se baat karti hoon, bolti hoon usko achchhe se padhe aur pass kare nahi to majburan hame uski shaadi karani hogi tab shaayad wo thodi serious hokar padhe." Itna bolkar mummy room se baahar nikal gayi tab tak Vartika market se ghar aa chuki thi. "Kahaan se aa rahi ho madam, kya hua result iss baar?" Mummy ne Vartika se poochha "Result ka kya hai maa waise bhi padh likh kar kya jo karna hai ab. Shaadi karke kisi dusre ke ghar hi na jana hai ●5●