VOROS 5 l ANK 23

SON’VAR, OTUBR 08, 2022

Mukhel Montri bodolpachie Vatter?

PANAM 12 l MOL 10/- RUPYA

Gorbhpatt: Suprim’ Korttan khun ubarun dovorlo?

3 Kallim vokhdam Gõyak ‘kallem’ korit ravtolim?

5

4 ISL 2022-23 Khellachi Survat

12

GÕYCHIO KHOBRO - Ibaddlolea rosteank lagun obsoeg - Zomin nanvar korunk sorkarak magnni - Rexen vikpi dhoniancho nixedh - Dhangar somudayacho dosro - Morjim porot-ui kaidea add dhondo! - AroGõychea turizmacher ho koslo rag?

- Pernem Talukantlo udkacho prosn 2 mhoineamni suttavo? - Patradevi ‘check post’-ar gaddianchio kiteak volli? - Bekarponn unnem korunk sorkaracho upay - Dha disam modem ‘multi modal app

2 Ogrlekh

Pormoll uddlolo ‘Gõycho Pormoll!’

K

hoinchea-i borpacho dorzo, so (6) mud’deancher (points) tharlolo asta. Poilo, borpachea vixoyacher bhor divop (focus), borpantlo vixoy ugtaun-vistarun sangop, tisro, mukhel kolponek dhorun borop mukhar vhorop, chovto, kelolem borop vachpianchie nodrentlean vichearank dhorun asop, panchvo, borpant noveponn ghoddovp (creativity), ani xevttim, boroylolem sogllem bhaxechie nodrentlean chuki vinnem asop. Hea so-ui mud’deancho ‘meter’ vaprun, Konknnichie Romi lipintlean boroytoleanchie borpavollichem ‘post mortem’ kelear, khubxea zonnank, dorjeacher uloyta mhonn, yeunk naka thoinchean porian rag yetanam dista. Borovpi apnnachio chuki mandun gheunk sodinant, hem tea ragachem karonn asta. Chukloli gozal khorie somjikayen mandun ghevop mhollear kalljidarponn tharta. Punn Romi lipintlean boroytoleanchie sonskrutayent, voilea sovea mud’deachie nodrentlean dakoylolio borpantlio chuki mandun ghevop mhollear, tankam ‘failure’ dista! Khoreponnim to ‘failure’ asonam, punn jem unneponn asa tem bhorun haddpachem ani tharear ghalpachem asta. Punn tem tharear ghalpiankuch sarki zannvay nam zalear, tacho xevott Dalgado Konknni Akademichem (DKA) dor tin mhoineak (khubxe pavttim dor char mhoineank legit sarkem yenam) uzvadda haddtolea ‘Gõycho Pormoll’ nemallea sarki got zatoli. DKA hi Romi lipichi avoy sonstha. May-Jun 2022 ‘Gõycho Pormoll’-antlea ogrlekhant mhollam toxi ‘Romi lipicho avoi sonstha’ nhoy. Ogrlekhant ti nodre add urloli ekuch chuk oxem somzum yetalem. Punn don volli soddun dor tisrie vollint chuki aslear, vachpianchean tio koxio somzun vhorunk zatat? Borpamni ‘vochunk’ asa thoim ‘vochonk,’ ‘apnnak’ asa thoim ‘apleak,’ ‘ami mukhar vetanv’ thoim ‘ami mukhar vetat,’ ‘vhorunk’ asa thoim ‘vhoronk,’ ‘… tum khatrien vachpachea mogant poddttoloi’ zaunk zay aslem thoim ‘… tum khatrien vachpachea mogant poddttolo’ ‘pattim’ asa tem ‘fatim,’ tim-ui’ asa tem ‘tin-vui,’ ‘bagent’ hem sogllem oxem koxem chukichem asum yeta? Konknnichi avoy sonstha asloli DKA, apnnachea nemalleantlean, ogrlekhak dhorun tem xevttachea borpantlean porian osli chukichea utranchi, vyakoronnache nem’ moddpi Konknni koxi ani khoinchea adaracher uzvaddayta? DKA Romi lipichi avoy sonstha zalear, apnnem uzvadda haddlolea borpamni bhaxechio chuki urchio nhoy mhonn, oglli zotnay gheunk naka asli? Khoinchea-i khobram-potracho vo nemalleacho, bhaxechie nodrentlean dorzo topastolo zalear, tea khobram-potrantlo vo nemalleantlo ogrlekh (editorial) vachlear sogllem kollun yeta. Ogrlekhantuch utranchio ani vyakoronnachio chuki dislio zalear, nemalleantlea urlolea-i borpamni, mulakhatimni, bhurgeanchia kanniamni dubav nastanam tio chuki polleunk melltolio. Hem sot ani khoreponn hie khepechea, MayJun 2022 ‘Gõycho Pormoll’-antlea ogrlekhant dolle bhorun polleunk mellta. Tia chukink koxiech ani khoinchiech toren nimitak karonn diunk mellonam. Khoinchea-i potracho vo nemalleacho som’padok xevttachi zababdari asta mhonntoch, jem uzvadda yeta taka xevttim toch zababdar asta. Konknnichie Romi lipintlean hea-tea potracho vo nemallecho som’padok ZAUNK sompem zait, punn apunn khorench som’padok mhonn provar korunk mat dista titlem sompem nam hem mat khorem!

SON’VAR, OTUBR 08, 2022

MONACHIE PETTIENTLEAN ‘Sorkarak kaide lagonant?’ Nam! Gõyant sorkarak kaide lagonant hem khorem. Sorkarak apunn podviecher asa mhonntoch, taka kitem-i korun dista. Dekun sorkar loka add projekt haddta, loka add vochpi yevzonno ani kaide korta. Koslea-i kamant lokak kuxin dovrun apnnak zay tem korunk sodta. Hem sogllem kortanam, sorkar apunn lokxayent asa mhonn visorta. Porza rajyacho samball korunk zay mhonn sorkar vinchun kaddta, punn vinchun kaddlolea sorkaracho rajya khatir hetu mat veglloch asta. Ani to hetu, chidd korun taka vinchun kaddlolie porje add asta. Apnnak vinchun kaddtolie porje add sorkaran oxi zulumxay cholovp hem sorkarak sobonam. Dekik, sod’deak Sanguem vattarant sorkar ‘IIT’ projekt ubo korunk toyar zala. Ho ‘IIT’ projekt apnnachea pottudarposonna add veta oxem thoinchea lokak dista. Punn sorkar hea lokachem sangnnem aikun gheun rajinam. Voilean tancher zobordosti korta ani tankam bhiyeun dovorpacho yotn korta. Ho koslo sorkar? Lokxayent sorkarachi osli vangnnuk koxi mandun gheunk zata? Podvier asa mhonn sorkarchean oso apnnachie podviecho goir-vapor korunk zainam. Peter Mascarenhas, Sanvordem Guneanv addaunk pulis unnem poddtat! Pulis he sorkarache bhou zababdar aslole protinidhi asat. Nagrikank apnnachie gorje, bhirantie ani oddchonnie vellar khoim vechem tem kollonam tednam, pulis ani pulis stteixonam hoch tancho alaxiro tharta. Pattle thodde mhoine thaun, Gõyant khubxe guneanv ghoddtanam distat. Dekun, guneanv adarpiank, kaideachi nhoy mhonn konnachich bhirant asonam. Mhonntoch, te mukhar anikui guneanv korunk apunn meklle aslolea porim tankam dista. Gõyant kallea vokhdank dhorun tem her guneanv tabea khal haddunk apunn sodtat mhonn Gõychi pulis sangta, punn tie toren, probhavik ritin pulis vavurloli disonam. Hio jio rajyant vankddio ghoddnnio ghoddot asat tacher pulisancho tabo nam mhonn disun yeta. Hem tor oxench cholot ravlem zalear, Gõychi poristhiti anik kitli ibaddtoli ti sangunk zainam. Oxie poristhitint, rajyant nagrikam surokxit nant mhonn ugtem zata. Jose D’Costa, Raibondra Gõyant Kongres Pokxant novem rogot! Kunkollecho amdar Yuri Alemao-ak, Gõychie Vidhan Sobhent Virodhi Pokxacho Fuddari nemla hem polleun, jivak borem dislem. Az Gõyantuch nhoy, punn ak’khea Bharotant Kongres Pokx osokt zait vetanam dista. Tachem karonn Kongres Pokxache fuddarich asat. Tanninch ho pokx hie doxer pavoylo oxem mhonnop, hi chuk nhoy. Sod’deak Gõyant Kongres Pokxak doxer pavoylole te pokx soddun geleat tem ekdom’ borem zalem. Az Gõyant tornnea rogtache amdar aslole distat, uprant te hatachea bottancher mezunk mellum. Tanchea modlea amdar Yuri Alemao-ak Virodhi Pokxacho Fuddari nemla, hi Kongres Pokx mozbut korpachi survat zalia mhonn khunna. Odik ani odik tornatte hea pokxant bhitor sorche, ani to fuddlea panch vorsam porian boroch mozbut korcho, he mhoje anvdde. Manuel Fernandes, Kunkolle

Printed, Published & Owned by Jose Salvador Fernandes. Printed at Elegant Offset Printers Pvt. Ltd., D2-31, Tivim Industrial Estate, Karaswada, Mapusa, Goa - 403 526. Place of Publication: Matrachaya, 4th Floor, Opp. Samsung Galaxy Showroom, St. Inez Panaji, Goa - 403 001. Editor: Jose Salvador Fernandes Contact: 7620561290. E-mail: [email protected]

Chotray: Ankant ugtaylolim motam, satalleacho Som’padok/Uzvaddavpi/Dhoni mandun ghetach oxem nam. Borpantlea motanchi vo jairatintlie borpavollichi zababdari tea-tea borovpianchi vo jairatidaranchi astoli.

3

SON’VAR, OTUBR 08, 2022

Gõyant mukhel montri bodlinant?

G

õyant khoinchea mollar kitem ghoddot tem sangunk zaynam. Sod’deak Gõyant rajki khobro jitlio xiztat, titli tankam chodd ub bhorunk laglia. Hie nodrentlean, Gõyant rajki mollar novo bodol zaunk poristhiti aste-aste pikot vetanam dista. Kongres Pokxant astanam Bambollechea Khursaxim fuddarponn gheun soputachem ghevpachem magnnem kelolo Digambar Kamat, Kongres Pokxant thaun BJPant vochot porian, antrea-poirean Dil’lint vochun BJPachea raxttrik panvddeavelea fuddariank bhettun yeta. Tech khatir Gõyant hea satalleamni rajki poristhiti chodduch pikunk lagloli disun yeta. BJP-achea hea unchlea panvddeavelea raxttrik fuddarianchea sangnnea pormannem, fuddarak Digambar Kamatak Gõycho Mukhel Montri korunk soktat. Dil’lint thaun BJP-achie mukhel kocherintlean gupit ritin mell’llolie khobre pormannem, fuddlea mhoineamni, Gõyant rajiki mollar boroch vhoddlo bodol zavpacho asa. Sod’deak mukhel montriachea kodelar boslolea Dr Pramod Sawantak to zago khali korunk lavn taka dusrio zababdario diunk soktat, ani tachea zagear mukhel montri mhonn Digambar Kamatak bosovpacho vichear chalu asa. Halinch Gõyant, kallea vokhdam som’bondan BJPachi fuddari aslolie Sonali Phogat, Ut’tor Gõyantlea Anjunachea eka hotelant hea sonvsarak ontorli. Hie ghoddnnie nimitan, kallea vokhdanchea vixoyavelean, Hyderabadchie pulisen thoddea dhondekarank ani hotel cholovpiankui sampddayle. Tea uprant, Novi Di’lint thaun Gujaratantlea apnnachea ‘cadre’-antlea

odhikariak BJP-an Gõyant dhaddun, hanga rajyant dispotto karbhar cholta tacher dollo dovrunk sanglolem, ani te vixim Kendrantlie Ghora Montraloyek (Home Monistry) riportt diunk maglolem, oxem eke zhorintlean kollun ailam. Khobor asa? Thoddim satallim pattim, BJPacho Gõycho Jeral Sekretar (Organisation) Satish Dhondak tea podavelo kaddun, taka Ostomt Bengalantlea Asansol dhaddlo. Karonn? Dhond rajyachea karbharant meter zatalo, ani Gõyant zonn ekleacher laginchean dollo dovorpacho yotn korunk zay dekun, tacho bodol dusrea rajyant kelo. Dhond ho Mukhel Montri Dr Pramod Sawantak lagim aslo oxem mandtat. To hanga aslo zalear, Digambar Kamatachie BJP-ant yevapchie khottpottik to addaytolo aslo, ani xevttim taka mukhel montriachie kodelar bosunk legit addkholl haddtolo aslo. Sod’deak BJP-achie rajyachie songhottnent toxench karbhariponnachea mollar, Novi Dil’lintle BJPache unchle fuddari bodol haddunk sodtat hem khorem. To bodol zata tednam Digambar Kamatak rajyant unchlem, mukhel montriachem pod diunk soktat. Sod’deak desant sabar rajyamni zoxe porim Himachal Prodex, Gujarat ani Kornattaka Vidhan Sobhechim eleisanvam zavpachim asat. Ho bodol haddpacho nirnnnoy, chodd korun hea rajyamni, eleisanvam asat tea adim korpache asat. Maharaxttrant pattlea darantlean sorkarant ailolea BJP-acho vistar koso korop, ani 2024 vorsantlim Lok Sobhechim eleisanvam koxim jikhop, hem-ui BJP-achea monant khellta.

4 Gorbhpatt: Suprim’ Korttan khun ubarun dovorlo?

SON’VAR, OTUBR 08, 2022

K

usveantlo gorbh 20-24 satalleancho asta tednam, ostori ankvar vo kazari hacher adarun gorbhpatt korunk divop hem ghottnne add asa, oso Suprim’ Korttan pattllea satalleant mohotvacho nirnnoy dilo. Korttacho nirnnoy kitem? ‘Rule 3B of the Medical Termination of Pregnancy Rules, 2003’ hache pormannem, kusveantlo gorbh 20-24 satalleancho asta tednam fokot thoddeach zomeantlea ostoriank, chali bhailia poristhitink lagun gorbhpatt korunk ditat, oso orth tin nitidaranchea zomean - Nitidar D Y Chandrachud, A S Bopanna, ani J B Pardiwala- hea kaideachi faski sangli. Dekun, ostori ankvar vo kazari asum, surokxit ani kaidean gorbhpatt korunk tamkam soglleank odhikar asa, oso Suprim’ Korttan itihasik mohotvacho nirnnoy dila. ‘Medical Termination of Pregnancy’ kaido addecho asa ani ghottnentlo buniyad naslolo mohotvacho kaido asa, kiteak tea kaidea pormannem, ankvar ani kazari ostoriam modem ontor kelia tantum, fokot kazari ostorio kuddichi khuxalkay bhogtat koxio dista. Atam Bharotantlea Unchlea Korttan gorbhpattak kaideachi porvangi dilia mhonntoch, kaideacho khub goir-vapor zatolo, hem vegllem sangpachi goroz nam. Punn sonvsarant azunui thodde des asat, je kaidean azunui gorbhpatt mandun ghenant. Dekik: Andorra, Aruba, Republic of Congo, Curacao, Dominican Republic, Egypt, El Salvador, Haiti, Honduras, Iraq, Jamaica, Laos, Madagascar, Malta, Mauritania, Nicaragua, Palau, Philippines, San Marino, Senegal, Sierra Leone, Suriname, Tonga, ani West Bank ani Gaza Strip hea desamni gorbhpatt sarkoch kaidea add asa. Punn sonvsarant oxe-i des asat, zhoim gorbhpatt kaidean korunk zata. Albania, Australia, Argentina, Belgium, Bulgaria, Cambodia, Canada, China, Colombia, Czech Republic, North Korea, Denmark, France, Georgia, Greece, Germany, Hungary, Italy, Ireland, Iceland, India, Kazakhstan, Kosovo, Maldives, Mongolia, Nepal, Netherlands, New Zealand, Norway, Portugal, Singapore, South Africa, Spain, Thailand, Tajikistan, Turkey, Ukraine, Vietnam ani Uzbekistan hea desamni gorbhpattache kaidea asat. Sonvsarant oxe-i des asat, te sabar karonnam khatir gorbhpatt korunk porvangi ditat, Dekik: Vinoti kelear gorbhpatt korunk ditat: Koslea-i karonna khatir kaidean gorbhpatt korun zata. Jiv samballunk: Gorbest ostoriecho jiv samballunk zay zalear, gorbhpatt kotrunk zata. Kuddichie Bholaikie khatir: Gorbestponn ostoriechea jivak dhoko nirmann korta zalearui vorbhpatt korunk zata. Monachi Bholaiki: Gorbest ostoriechea monachi ani bhavnanchie bholaikiechi bhirant asta tednam gorbhpatt korunk zata. Bolatkar zalear: Konnui ostori bolatkarak lagun gorbest zalia zalear, tichean gorbhpatt korunk zata.

Ghorcheanchea laginchea vangddiam kodde kazar zalolim aslear: Som’bondan sarkim laginchim zalear, gorbhatt korunk zata. Gorbhak mar boslolo asa zalear: Kusveantlea gorbhak koslem-i mohotvachem monachem vo kuddichem unneponn asa, ani zaka lagun tachem jivit 100% oddchonnichem zaunk sokta zalear, toslie poristhitint gorbhpatt korunk zata mhonntat. Somajik-arthik poristhitik lagun: Avoychean apnnachea bhurgeak zolm’ ditoch taka duddvancho tenko diunk ghoddchem nam zalear, gorbhpatt korunk zata .

Konknni Borovpi Anselm Gomes sonsarak ontorlo

K

onknnichie Romi lipintlo khoddegantt vichearancho borovpi, Anselm bab Gomes, Panzorcone, Kunkollecho, kalchea disa hea sonvsarak ontorlo. Anselm bab Konknnichie Romi lipintlean boropam kortalo, tantum chintpa sarkem khub astalem. Adim to ‘CINE TIMES’ potrar, ani uprant ‘THE GOAN REVIEW’ masikacher boroytalo. ‘FUDDARI’ satallem, Anselm bab Gomesachea otmeak sasnanchem sukh magtanam, tachea ghorcheank buzvonn dita.

SON’VAR, OTUBR 08, 2022

Kallim vokhdam Gõyak ‘kallem’ korit ravtolim?

C

hef’ ani umedi khatir ghorant randpi ani atam filmam toyar korpachea sonvsarant ailoli, ani ‘script’ borovpi Sonya Kaur Mumboi ravta. Halinch mhollear, don mhoine pattim ti Gõyant bhonvddiek ailoli. Ti bhaddaechie ttekxin vetanam, gaddi cholovpian tankam ‘mal,’ mhonnche kallim vokhdam divpacho yotn kelo. Ticheach utramni sangchem zalear, “ami Gõyam pavtoch Dabollechea Vimantollavelim bhair sorlim. Bhair sortanch, amchea bhonvtim kitlech zonn, bhaddim marpi ttekxivale zomle. Te, apunn vhorta, to vhorta mhonnit tonddak yeta tem bhaddeachem mol sangit ravle. Punn xevttim amkam, heram poros sovay bhaddem marpi koso mell’llo. Amkam vimantollar thaun Kandolle vochunk zay aslem. Tannem amkam 300 rupyank vhorta mhonn sanglem. Amkam tem mol khub sovay dislem. Ami tachea sangata vochunk raji zalim. Punn ami mottorant bostoch, ani mottor vimantolla thaun fuddlie chalik lagun sumar 3 kilometram mukhar pavtoch, to gaddi cholovpi, kallim vokhdam-i vikpachi bhumika korta mhonn kollun ailem. Tannem apnnachea hatamni amche mukhar ‘mal’ dovorlo, ani Gõyant amkam zay tem borea molak kitem-i haddun diunk raji asa mhonn sanglem. Ami tachem aikun tachea sangnneak raji zaunchim mhonn, to porot-porot amkam tich khobor sangtalo. Mhozo sangati, zo advogad aslo, tannem pulisek 100 ankddeacher fon korunk, apnnachea bolsantlo fon bhair kaddlo. Apunn, ‘tuji khobor pulisek kolloyta’ mhonn tannem tea ttekxi cholovpiak sanglem. Oxea vellar to gaddi cholovpi thondd poddlo, ani kaklutek yeun apnnachi chuk zali sanglem. Fuddli soglli vatt tannem ekui utor uloynastanam tankli. Amkam amchio suttio pirddeak korunk naka aslio dekun, ami ti khobor titleacheruch soddli.” Halinch Calangutechie pulisen, Vaskuchea Mangoor Hill vattarant ravpi, Prathamesh Palyekarak dhorlo. Karonn? Khobram madyomam pormannem, Devinani Chaudhry ho Hyderabad thaun vimanan Gõyam ailo. Dabolle

5

vimantollavelo bhair sortoch, tannem Calangute vochunk bhaddeachi ttekxi ghetli. Bhaddeachi gaddi cholovpi aslo Prathamesh Palyekar. Calangutea pavtoch, to hotelant gelo. Hotelant thaun taka uprant Bambolle Goa Medical College and Hospital-ant (GMC) bhorti kelo. Kiteak hotelant tannem xime bhair kallea vokhdancho ‘dose’ ghetlolo! Tannem koslim tori kallim vokhdam, jim tannem ttekxi cholovpia koddchean ghetlolim mhonntat, tim ghetoch taka mottorantuch jivak borem disonam zaunk suru zalolem. Chaudhry boro zaun hospitalantlo bhair sortoch, Calangute-chie pulisen tache add kex ghali. Choukoxi kortanam, apnnak Vaskuchea eka ttekxi cholovpian kallim vokhdam viklolim mhonn tannem sanglem. Hie mahitiecher adarun, pulisamni Palyekaracher nodor dovorli, ani taka Aldona ganvant dhorlo. Tachi choukoxi kortoch, Palyekara kodde gaddi cholounk kaideachem lisens nam, punn ttekxi cholovpiachea rupan to bhonvddiekarank kallim vokhdam viktalo mhonn Calangutechie pulisek kollun ailem. Ttekxio cholovpi sabar zonnamni apnnak kallim vokhdam divpacho yotn kela mhonn Gõyant yevpi khubxea bhonvddiekaranchem-i sangnnem asa. Hem sogllem niyalltoch, Gõyant adim kallim vokhdam bhou thoddea mon’xam kodde ani bhou thoddea zageancher melltalim tim atam chanttie-pavlak konn-i kodde mellunk soktat mhonn thavem zata. Mukhel Montri Dr Pramod Sawantan zorui pulisank kallea vokhdanchea dhindecher ani tantum aspavloleancher khor upay ghe mhonn sangleat, torui astanam rajyant tacho kosloch probhav poddlolo disonam. Tea bodlek,, Gõyant kallea vokhdanchem noxtt vaddot veta, ani pulisam kodde tem addaunk zainam mhonn poristhiti pormannem disun yeta. Kallim vokhdam Gõyant vaddot ravlim zalear, ontor’raxttrik mollar Gõy kallench urtolem.

6

SON’VAR, OTUBR 08, 2022

MATHALLO DIYAT  Unchlea chitrak favo toslo mathallo (caption) diyat.   Konnacheanui kitle-i mathalle dhaddum yetat.   Soglle mathalle ‘FUDDARI’ satolleachea mullavea chitracheruch (original) diunk zay. Fotto-kopi mandun gheunche nant.   Boreantlea borea 3 mathalleank kherit inamam favo zatolim.  Mathallem dilolem chitr kocherint pavpachi nim’nni tarik 15.10.2022  Tumche mathalle, tumchea puray adresa ani fottva soit, hea adresacher dhaddchem: Matruchaya, 3rd Floor, Opp. Samsung Galaxy Showroom, St. Inez, Panjim, Goa – 403 001 MATHALLO

OPURNN KOTHA PURNN KORAT

PARKONNIM 1. Apoynastanam yeta, dukoynastanam killonch marta? Zap: ................................................................................................................................. 2. Ek dis jevlear att dis kam’ korta? Zap: .................................................................................................................................. 3. Vhoddlem ghor, ulo marlear konn zap dinam? Zap: .................................................................................................................................. 4. Tunvem ugoddlem, hanvem pollelem? Zap: .................................................................................................................................. 5. Tirso dollo, kott kallo, khannacher mat sodanch dollo? Zap: .................................................................................................................................. Pattlie pavttiche zabab: 1. Methi 2.Kalafur 3. Elchi 4. Reilgaddi 5. Bikunn  Parkonniank sarkio zapo diyat.  Konnacheanui kitlio-i zapo dhaddunk zatat.  Sogllio zapo mullavea prosnanchea khalach borounk zay.  Fotto-kopi mandun gheunche nant.  Sarkio zapo divpi 3 zonnank kherit inamam favtolim.  Parkonnianchio zapo kocherint pavpachi nim’nni tarik 15.10.2022  Tumchio zapo, tumchea puray adresa ani fottva soit khala dilolea adresachr    dhaddchio: Matruchaya, 3rd Floor, Opp. Samsung Galaxy Showroom, St. Inez, Panjim, Goa – 403 001

MHONN’NNIO PURNN KORAT Khala dilolio Mhonn’nnio favo toslia utramni purnn korat: 1. Ghorant undir, ....................................................... 2. Voddachi sal pimpllak, ............................................... 3. Randta toxem jevchem,................................................... 4. Xanneak tin kodden ....................................................... 5. Sogllim sunnim Kaxik gelear ...........................................

Konnacheanui kitlio-i zapo dhaddunk zatat. Mhonn’nnio puray korpi sogllio zapo, heach formacher borounk zay. n Fotto-kopi mandun gheunche nant. n Mhonn’nnio poromporik ritinuch purnn korunk zay oxem nam. Tumkam dista toslea novea utramni-i purnn korunk zatat. n Favo toslia utramni Mhonn’nnio purnn kelolea boreantlea borea 3 zonnank kherit inamam favtolim. n Tumchio Mhonn’nnio, tumchea puray adresa ani fottva soit khala dilolea adresacher 15.10.2022 dhaddchio: Matruchaya, 3rd Floor, Opp. Samsung Galaxy Showroom, Gomantak Road, St. Inez, Panjim, Goa – 403 001 n

n

Ranant bhonvtam-bhonvtam, koleak borem hadd-masachem jevonn mell’llem. To tem jevonn gostan khaunk laglo. To khatamkhatam thoim ek bokem pavlem. Tea bokean tache kodde, apnnakui kitem khaunk di mhollem. Kolean taka davea dollean porian polleunk nam. To apunn jevonn jevit ravlo. Thoddea vellan thoim ek landdgo ailo. Tannem-i kolea kodde apnnak khaunk maglem. Kolo matui kan haloynam to polleun, to landdgo apnnachie vatten gelo. Jevonn khatam-khatam, okosmat koleachea talleak borench vhoddlem hadd xirkolem. Tache kodde tonddantlem jevonn bhitor nhoy mhonn gillunkui zaynam zalem. Taka atam… …. … * Konnacheanui kitlio-i kotha purnn korun dhaddunk zatat. Punn kothecho xevott vegllo-vegllo asunk zay. * Hi opurnn kotha, tichea khala dilolea zagear boroun purnn korchi. * Zago pavonam zalear, kothecho urlolo bhag risko naslolea (blank peporacher boroun, mullavea forma soit dhaddchio. * Opurnn kothechi fotto-kopi mandun gheunche nant. * Boreantlia boria 3 kothank kherit inamam favo zatolim. * Tumchio purnn kotha kocherint pavpachi nim’nni tarik 15.10.2022 * Tumchio purnn kelolio kotha, tumchea puray adresa ani fottva soit khala dilolea adresacher dhaddcChildren’s marathi stir y hio: ‘FUDDARI’ Matruchaya, 3rd Floor, Opp. Samsung Galaxy Showroom, St. Inez, Panjim, Goa – 403 001

BHURGEANCHI KANNI

E

DAIZACHEM MOL

ka razan apnna khatir, suseg ghevpachi polax bandunk yevjilem. Dekun tachea eka montrian, ti polax bandunk ek zago sodun kaddlo. Raza to zago polleunk gelo. Tea vellar taka thoim laginch ek khomptti disli. Raza chintunk laglo - ti khomptti thoinchi kaddun uddoylear koxi? Razan, tie khompttient ravpi xetkariak apoun haddlo. Taka ti khoimptti thoinchi kaddunk sangli. Punn xetkar apnnachi khomotti halounk raji naslo. Ti khomptti thoinchi kaddlear, apunn taka bhangaran bhorlolio don petti diunk raji asa mhonn razan sanglem. Torui to xetkar, apnnachi khomptti halounk raji naslo. Tednam razan taka karonn vicharlem. “Saiba, ho zago mhojea purvozancho. Mhozo bapuy legit hangach zolmolo. Hanv-ui hangach zolmolom. Hi khomptti amchem daiz. Tantum amche adle, itlea vorsanche ugddas asat. Te duddvam-bhangramni pois korunk zaynant,” xetkarian sanglem. Razan khompttiek tenkun polax kaddli. Ani konnem-i vicharlear mottea obhimanan sangtalo - ‘Mhojie polaxint sobitay asa, ani tie khoimpttient daiz asa!” oxem mhonntalo. Xikvonn: Daizachem mol asloleakuch daizachem mol kollta.

7

SON’VAR, OTUBR 08, 2022

‘FUDDARI’

Satalleacho vorgonnidar zaunk sodtai?

VOROS 5 l ANK 21

SON’VAR, SETEMBR 17, 2022

Gõyant Kongres Pokx foddunk, Assamachea mukhel montriacho hat asa?

PANAM 12 l MOL 10/- RUPYA

Sankalp Amonkar ho Girish Chodankar-acho ‘collection agent’ aslo: Adlo amdar AGNELO FERNANDES

4 3 GÕYCHIO KHOBRO - Curlies modduunk zata, ‘to’ bonglo moddunk zaunam? - Gõyam khatir turizmachi novi yevzonn - Complain’ kelam astanam-i bandavollicho vavr nettan - Bharotantlo 70% lok ‘seat belt’ ghalinant - Kongttchea nagrikancher hi onit kiteak? - ‘Amdarank 30-40 kotti rupya farik keleat’

Bharotacho Raxttrik Futtbol pongodd vinchlo

12

Odik khobor kaddunk fon korcho: 7620561290/ 9881810832

8

SON’VAR, OTUBR 08, 2022

Gõy, Gõykar ani Gõykarponn MHAPXEMCHIE NOGORPALIKECHI BESARMAY

Mhapxemchie Nogorpalike khal yevpi Assagaochea tollpotto sod’deak kuslolea kochreacho dhobo zalolo asa. Tea tollpottear kochreachi ras vaddot asa. Taka lagun, thoinchea nagrikanchi-i oddchonn vaddlia. Thoim aslolo olo ani suko kochro vegllo korunk nam dekun, thoim disandis ghann posrot asa dekun nagrikank sontap marleat.

PONNJIE XARAK NOVI KABAY, NOVI SOBAY!

Ponnjie xarant, Mala tem ‘Central Library’-k zoddpi kebolancho novo ‘Dyan Sethu’ pul bandla. Ho 99 metram lamb aslolo pul, tachea khambeacher aslolie kolek lagun boroch famad zatolo. Halinch hea pulachi ugtavnni kelia. Hea pulacho tornatteank tosoch zantteank faideacho zatolo.

GÕYANT BHONVDDIEKARANCHI MOSTI – 2

GÕYANT BHONVDDIEKARANCHI MOSTI

Turizmachea nanvan Gõyant yevpi desantlea bhonvddiekarank, hanga kitem-i kelear pochta oxem somzotat. Kitkech pavttim khuxe zonn mottorsaikoli ani Mottram legit gheun doryachea vellancher bhonvlole disleat. Ani atam ek Tempo Traveller gaddi, Gõychie eke prayer ubi asloli dista.

‘HAR GHAR NAHI JAL’

Morjimchea Vacharwada vattarant pattle 15 dis nollak udkacho thembo nam. Taka lagun, thoinchim nagrikam apnnache kollxe-bindulam gheun rostear aileant. Hie oddchonnicher lagu zavpi odhikarianchem mon oddun legit, poristhiti asa toxich asa. Oxie poristhitint, Gõychea sorkarachi ‘Har Ghar Jal’ Yevzonn fokot kagda purtich kay, oso prosn yeta.

Gõyant bhonvddiek ailole char Bharoti bhonvddiekar, Mhapxemchie eke Innova gaddien Vasku vetale. Cholovpi itlie rosten gaddi choloytalo, xevttim gaddi Dabolle lagsar rostea bhair poddli. Mottorant aslolea ekleache donui hat moddleat, ani ekleachea pattikonneak mar lagla.

‘KAIDE PORJEK, AMCHE KHATIR KHUNTTIEK!’

Pulis he kaideanche rakhonndar. Kaideanche rakhonndar mhonntoch, tannim svota kaide samballpachi tanchi zababdari dobradan vaddta. Ek pulis dogank mottorsaikolicher pattlean bosoun ani apnnachi vollokh lipoun, yeradarichea kaidea add veta to dista.

9

SON’VAR, OTUBR 08, 2022

Ibaddlolea rosteank lagun obsoeg

I

baddlolea rosteank lagun, Brestaradis sokallim noveach bandlolea Lottlechea Mha-margacher don mottoram modem obsoeg zalo. Rosteacher tar ghalun ani rostea thaun 4 inch voir ximittacho lep marun rosto koxea koso-i sarko korun dakoyla mhonn, obsoeg zaloleamni sanglem. Xittkavnniechi khunna dakounk kosli tori addkholl vo ‘reflector’ ube korche bodlek zhaddam lavn dovorleant, zaka lagun rostecho voir-sokoil zalolo bhag gaddio choloytoleank matui disonam. Zo obsoeg zalo to bhirankull obsoeg zaunk soktalo oxem sangun, oxe obsoeg zaunk faltur roste toyar korpi kontrador ani sorkar zababdar asa mhonn tannim sanglem.

Zomin nanvar korunk sorkarak magnni

A

pnnak ‘Class A category’-int Gavthan ani Alvara zomnichem puray toren d h o n i p o n n d i u n c h e m mhonn, Valpoi ani Sattari ravpi lokamni sorkara kodde halinch magnni keloli. Tea pormannem, Sukraradis,Yennavoll Khatem, thoincho amdar, ‘Collector’ ani her odhikari soglle tea vixoya vixim bhasabhas korunk sangata aile. Yennavoll Montrian ‘Collector, Deputy Collector’ ani the Mamladarank ho vixoy zata titlie vegim hatant gheun to suttavo korcho mhonn hukum’ dila.

S

aidea add vochun Morjim praier bhonvddiekaram khatir khatti, sotrio, mezam, kodelam ghalolim tim, kaim dis pattim Turizmachea Khatean upay gheun kaddun vhelolim. Punn atam Turizmachea Khateachea odhikariamni patt kortoch, tech praier, porotui bhonvddiekaram khatir odik khatti, sotrio, mezam, kodelam ghalolim distat. Thoinchea lokan hem korunk zababdar asloleam add upay gheunk, ani porot ek pavtt topasnni korunk magnni kelia.

P

Dhangar somudayacho dosro

udvaradis, Dhangar Somudayan veglliech ritin Pernem Dosro monoylo. Adlio poromporik riti samballun, ani poromporik nach ani gitam gavun tannim Dosro monoylo. Tanchea jivitacho mohotvacho bhag aslolea soimbachea sabar gozalinche upkar mandop, hem hea dosrea nimitan disun yeta.

Gõychea turizmacher ho koslo rag?

onnjiecho Latin Bhag mhonn pachartolea vattarak, rongit von’ttim ani khas sobhava soit apnnachi oxi khas vollokh asa, ani ti vollokh thoinchean pasar zatoleanchi nodor ani mon oddun ghetlea viret ravonam. Punn ek pavtt Sao Tome, Fontainhas ani Mala vattaramni aslolea oxir rosteancher bhonvddiekaranchi gordi polletoch, poristhiti hata bhair veta vo nam tem somzunk augodd zata. Fulanchea vazamni soreachio battlio, rostear hanga-thoim kochro, ani nigtoch rong marlolea von’ttincher pãy dovrun sobay ibaddpi chhapam ghalop, oxi hi bhonvddiekaranchea vankddea kortubanchi volleri borich lamb asa. Gõy hem turizmachea ragak bolli poddot asa tantum, Ponnjiechea hea vaddeank mat khoro mar boslolo disun yeta.

Rexen vikpi dhoniancho nixedh

orkaran bhas diun-ui apnnachem utor pallunk nam dekun, Murmuganvchea T a l u k a n t sorkarachea nanvan tandull gonv vikpi ‘society’chea dhoniamni, Novembrachem r e x e n haddinastanam sorkara add nixedh martole mhonn sanglem. ‘Natioanl Food Security’ khal sorkaran yeradaricho ani kamdaracho khorch apnnacher gheunk zay, ani tancho to odhikar asa; punn sorkar to khorch apnnacher ghenam, oxem ‘Mormugao Fair Price Shop Owners Association’-cho Prizdent Gandhi Henriquesan sanglem. Sorkaran dilolem komixon pavonam hem-ui tannem sanglem.

B

K

Morjim porot-ui kaidea add dhondo!

Pernem Talukantlo udkacho prosn 2 mhoineamni suttavo? Udkacho Montri aslolea Subhash Shirodkaran Bailpar Casarvane udkacho pomp b a n d p a c h o karbhar cholta thoim bhett diun, tea vavra vixim choukoxi keli. Hem udkachem ‘pump house’ toyar zatoch, Peddnnechea talukachi udkachi oddchonn suttavi zatoli mhonn tannem kollit kelem. Hea ‘water pump house’-ant so (6) pump astole, zantuntlea tin pump-ancho sodam khatir vapor zatolo, ani ek pump gorje khatir tosoch dovortole.

M

Patradevi ‘check post’-ar gaddianchio kiteak volli?

aharaxttrant thaun Gõyant yevpi ‘truck’ cholovpiamni ‘permit’ gheunk, Pernem Patradevi ‘check post’-ar bhitor sortanam 500 rupya farik korche poddtat. Punn, ‘toll’-achea ‘booth’-ar fokot ekloch monis asta ani taka lagun, ‘permit’-ache ‘receipt’ diunk khub vell veta. Sumar 100 te 150 ttrok, 1 tem 3 kilometeram vollin ube aslole polleunk melltat.

10

SON’VAR, OTUBR 08, 2022

Bekarponn unnem korunk sorkaracho upay

M

ukhel Montri Pramod Sawantan Brestaradis ‘Goa State Higher S e c o n d a r y Education Council, Directorate of Higher Education’ ani ‘India’s top Skilling Startups’ hanche modem ‘Memorandum of Understanding’acher nixanni keli. Xikpianchi pattbhuim pollenastanam, khasgi bhagamni nokri korunk ‘Memorandum of Understanding’ mozot kortolo mhonn Sawantan sanglem. Kolejintlean modinch bhair sorun gelolea cheddvank IT nokrio divpacher sorkar bhor ghalta, oxem Sawantan sanglem. Ho ‘Memorandum of Understanding’ rajyant bekarponnacho ankddo unno kortolo oxem tannem fuddem sanglem.

D

Z

on’varanchim mogi, jim khub zonn apnnachea avddichea z o n ’ v a r a n k a p n n a c h e a ghorabeachim vangddi mhonn mandtat tim, Somaradis, Chicalim St Francis Assisachie Porbe disa Igorjexim zomlim. Hie Firgojechea tornatteamni ‘Diocesan Commission for Ecology’-chea sangata, zon’varancher axirvad ghalpachi dusrie pavttim karyavoll ghoddoun haddli. Apnnachea dhoniam sangata sunneank, mazrank ani konnacho avddicho kansov aslolo taka legit Igorjechea moidanar axirvad favo kelo.

Dha disam modem ‘multi modal app’

ha disam modem, Dabolle vimantollar, ‘APP’ bosoylolio taxi suru kortole. Thoinchea taxi-valeank anik samballun ghevop aschem nam, oxem Yeradari Montri Mauvin Godinhon, Kadamba Transport Corporation-achea 42vea dobajea vellar uloytanam porgott kelem. Atam Mopachem-i vimatoll suru zavpachem asa taka lagun zaitoch bodol zatolo, ani sabar torechia gaddiank ‘app’ bosovpa xivay anik upay aschonam, oxem-i tannem sanglem.

Assisachea St Francischea festa disa zon’varancher axirvad

G

‘All India Fire Service Sports’-ant Gõyak 2 medali

õyant sabar zageancher ujeachea station-ar vavurpi 27 zonnamni poiliech pavtt zalolea, ‘All India Fire Service Sports’ ani ‘Fire Services Meet’ karyavollint bhag ghetlo. Mhapxeam Ujea Khateant kam’ korpi Sanjiv Madhu Korgaonkarak kanxeachi ani rupeachi medal favo zali. Korgaonkaran ‘long jump’ hantum bhag gheun kanxeachi medal zoddli, ani ‘long jump’-ant porot rupeachi medal jikhlo. Ho khell, Setembrachie 22ver tem 24ver, ‘All India Fire Service Sports Control Board’-an Novi Dil’li Tyagrat Stadium-ar ghoddoun haddlo.

S

Khuni Tarzan Parsekar Mhapxemchea Hospitalant

uri toplolia Ravi Shirodkarachie kexik atam novem vollon ailam. Ravi Shirodkarak suri top’pachie ghoddnnient hat aslolea, ani pulisechea tabeant aslolea Kerim ttrokank lagun obsoeg Tarzan Parsekarachi ‘bail cancel’ korunk pulis khatem vinoytolem mhonn, Ut’tor Gõycho ‘DYSP’ Jivba Dalvin zavpachi bhirant sanglem. Mungllaradis sokallim, apnnachea hordeant erim-chea ‘Check Post’-an Gõyant yevpi truck-ank dukta mhonn Parsekaran sangtoch, taka Ut’tor Gõyachea mhoinobhor hospitalant ghalo. Sod’deak Tarzanacho Mhapxemchea yevpachem bon’d Asilo Hospitalant ilaz chalu asa. kelam. Rosteanchie ibaddlolie poristhitik Dokhinn Gõychea ‘Water Sports Association lagun, sokallim ‘-achi vinoti 10.00 tim sanjer 5.00 ompeponnim dhondo korpachea nanvan jettychem porian truck-ank dhoronn haddun, ‘waters sports’-acho dhondo unchlea rajyant bhitor sorunk panvddeavelea ditale. Toxench, rosto dhondekarank sarko kortanam hea divpachi sorkarachi truck-ank lagun rosto yevzonn asa; ani te addon urtalo. Punn khatir apnnachea Kerim Check Postgirasak ar rajyant bhitor sorunk kitlech truck thamboun dovrun dispottea tanchi vhoddli voll zalia, tika lagun obsoeg zavpachi bhirant mar bosounk sokta mhonn, Dokhinn asa. Gõychea ‘Goa Water Ponnjie Pulis Station-ar Dosro Sports Association’udvaradis ak’khea Gõyant umedin Dosro somaromblo. an bhirant ugtaylia. Rajyant sabar zonn apnnachea gaddiank rozanche Dokhinnent apnnak ‘Water Sports’-achio karyavolli korunk poll ghalun bhonvtanam disle. Budvaradis, Ponnjie Pulis porvangi diunchi mhonn ‘waters sports’-achea ‘operator’station-ar Dosro somarombunk pulis odhikariamni amni sorkarak vinoti kelia. Apunnui turizamachea ‘booth’‘Shashtra Puza’ keli. Apnnachea vavrant vaporpachea ank virodh kortole oxem sangun, turizmachem novem hatiyaranchi, ‘electronic’ ani ‘electronic’ naslolea vostunchi dhoronn toyar kortanam sorkaran lagu zavpi soglleank visvasant gheunche mhonn lokan magnni kelia. odhikariamni puza keli.

K

S

B

11

SON’VAR, OTUBR 08, 2022

HANSUNK SODTAI?

GOSTACHO PRAT

‘Beef Steak’ Gorjechio vostu: 1 kilogram’ gayechem benddi mas 15-20 losnnuchio boyo 2 kuleram kallim miriam s 1 kuler tel 4 kuleram dhovi vinagr 4 kuleram tel 4 kuleram ‘soya sauce’

‘DRIVING LICENCE’

Koxem korop: Gayechem benddi mas zay titlem datt ‘slice’ marun katorchem. Uprant losnnuchio boyo fatricher mattxe dhaddaunchio (crush) korchio. Losnnucho ‘paste’-ui vaprunk zata. Kallim miriam-i fatrir dhaddaun barik korchim. Miriancho pittho-i vaprunk zata. Katorlolea masak mitth lavchem. Uprant losunn-miriancho girob lavn ‘marinate’ korunk dovorchem. Tea uprant 4 kuleram dhovi vinagr, ghalchi, 4 kuleram tel ani 4 kuleram ‘soya sauce’ ghalchi. Hem sogllem ghaltoch, tem masant borem mellounchem, ani ek-don horam vo ratbhor frijint dovorchem. Uprant eke kailint tel ghalun tem tapounchem. Kail taptoch tantum masache kuddke ghalche. Uzo matxe vhodd korcho ani artem-portem mas bhazchem. Benddichem mas mou asta tem rokddench bhazta. Masache kitle datt-patoll ‘slice’ kortat tacher adarun mas bhazta. BHOLAIKI

A

FOV – Bharoti Nasto (Almus)

nik thoddeach disamni, Divallechi Porob somarombtole. Divalli mhonninam fuddem, amkam Fovancho ugddas yeta. Toxem polleunk gelear, fovancho som’bond fokot divalliechie porbe kodde nam, tacho som’bond amchie bholaikie kodde-i asa. Fovank Bharoti nasto vo almus (breakfast) mandtat. Sokallim fov khata te mon’xachie bholaikiek boreak poddtat. Fovamni mon’xachi bholaiki samballpache ani mozbut korpache khub gunn asat. Khaunk, fov sabar bhasamni toyar kortat. Ut’tor Prodexant ani Rajasthanachea thoddea bhagamni, fovancher voilean masalo ani dallimb ghalun khaunk ditat. Maharaxttrant bottatte, chettni ani xev misoll korun ditat. Gõyant dudantle fov kortat, thik fov kortat, sakor ghalun kortat, adi. Jirvonnek bore Fov he holke (light) astat mhonntoch, te khatoch jirunk tras zainant. Te khatoch pott bhorta, punn te khale mhonn kuddik mottsann haddpacho tantum kosloch gunn asonam. Khubxe voiz ghottsannik, sokallim,

don’param ani sanjer fov khaunk suchoytat. Kuddik ghottay ditat Fovam udexim kuddik takot mellta. Disantlean mon’xak takot ani ghottay zay ti tantuntlean mellta. Tem eke torechem ak’khem jevonn mhollear zata, zantum borim vitaminam astat.

Ek ostori, gaddi cholovpachem lisens kaddunk char pavttim geli, ani ti char-ui pavttim ‘fail’ zali. Ti panchvie pavttim ‘licence’ kaddunk aili tednam, yeradarichie pulis ostrien tika adim char pavttim vicharlolo toch prosn porot vicharlo Pulis: Ostorie, tum somzum-ya, horak 120 kilomittor ‘speed’-in ghaddi gheun vetai. Tujie eke vatten dongor asa, dusrie vatten vhoddlo dorya asa, ani rostear modim eklo tornatto ani eklo zantto ubo asa. Tor tum konnak martoli? Ostori: Zanttea mon’xak martolim! Ani ti ostori hie-ui pavttim ‘fail’ zali. Apunn panchvie pavttim ‘fail’ zalia ti polleun, tinnem tie pulis ostoriek vicharlem – Ostori: Hie pavttim hanv kiteak ‘fail’ zalim? Pulis (ragan): Hanv vichartam tuka tie poristhitint tum konnak martoli-i, ani tum mhaka sangtai zantteak martoli? Ostori: Anik kitem marpachem tor? Pulis: Age saibinni, ‘break’ marpacho… mottracho ‘break’ marpacho, zanttea dadleak nhoy! zata. Sokallim sumarache oxe fov khale zalear, mon’xak don’par meren sompeponnim bhuk lagonam.

Kuddik zay aslolem ‘iron’ asta Mon’xachi kudd ghott-mozbut urunk sabar torechim vitaminam zay poddtat. Toxench mon’xachea angant ‘iron’ legit aschem poddta. Kuddik ‘iron’ divpacho gunn hea fovamni asta. He fov sodamkal khavxi zalear, kuddint ‘iron’ unnem aschem nam. Fov bholaikiek anikui boreak poddunk, tacher il’lo limbo pillun ghalunk zay, zaka lagun kuddik tantuntlem ‘iron’ oddunk gheun mozot

Kuddichem vozon denvounk faideache Sokallcho nasto mhonn, fov khavop ekdom’ borem. Fov he ‘low calorie’inche astat dekun, kuddichem vozon denvounk tancho adar zata. Randlolea fovanchea eka bolak fokot 250 ‘calorie’ astat. Tantum bhaji misoll kelear tio vaddtat. Kuddichem vozon denvounk fov khata zalear, tantum biknnam ghalchim nhoy. Rogtak bore Diabet aslolea mon’xank fov ekdom’ bore. Khalole fov aste-aste mon’xachea rogtant sakor soddtat, zaka lagun kuddint rogtacho ani sakrecho panvddo samballunk adar zata.

12

SON’VAR, OTUBR 08, 2022

ISL 2022-23 Khellachi Survat